Болашақ Отан қорғаушыларға тіркеу куәліктері табысталды.

Ел Конституциясының 36-бабына сәйкес «Қазақстан Республикасын қорғау-оның әрбір азаматының қасиетті парызы және міндеті». Бүгін, яғни 2023 жылғы 16 ақпанда аудандық мәдениет үйінде оқушыларға тіркеу куәліктерін салтанатты түрде тапсыру рәсімі өтті.

2006 жылы туған мектебіміздің 7 оқушысы әскери есепке қойылды. Тіркеу куәлігі әскерге шақырылушының құжаты, оның әскери есепте тұрғанының дәлелі болып табылады. Естеріңізге сала кетейік, әскерге шақырылғанға дейінгі жастарды әскери есепке алу, олардың санын, болашақ Отан қорғаушылардың әскери қызметке жарамдылық дәрежесін анықтау үшін тіркеу ұйымдастырылады және жүргізіледі.

Болашақ Отан Қорғаушыларға арналған тілегін аудан әкімінің орынбасары Асан Амангелдіұлы Әміренов, ҚР ҚК ардагері - подполковник Михаил Григорьевич Гусев, Тайынша ауданы ОМП бастығы полиция подполковнигі Қорғанбек Жүсіпов, СҚО ТЖД Тайынша ауданы ТЖ бөлімінің бастығы Руслан Әбдікәрімов және Тайынша ауданының Қорғаныс істері жөніндегі бөлімінің бастығы подполковник Мұхамбетов Әділ Ермұқанұлы білдірді.